شاعر عيونك وقصادك

عليك الهلا والمرحبا والغَنَـجْ يـا((....))
وعلّي الحـروف اللـي تولّـع بحسـادك

تعالي دويب دويب وامشي شـوي شـوي
تهـادي مـدام القلـب يابنـت سجـادك

ثلاث الشهور اللي تعـدن وانـا ياخطّـيْ
على صوت حدب ضلوع صدري من بعادك

هلابك عقب غيبة عنادك وطيـش الغـي
هلابك عسى عمري فدى الغـي وعنـادك

تفز الجـروح الداميـه والوجـع والكـيْ
تنهّض تبـي بلسـم هلاويـك وضمـادك

وتهج الضلوع وكل عـرقٍ بجوفـي حـيْ
علـى ضـوح براقـك ورْزّام رعــادك

هلا والسهر من يوم غبتي واحسـه لـي
ملكته عقب ما طـاف يالشـوق ميعـادك

انا والسهر ماغيـر خـيٍّ ٍيسامـر خـيّ
ويصيح السهر ياخـيّ لاتقـرب وسـادك

كذا حالتـي واليـوم كـل المواجـع بـيْ
تشاوت عقب مـا ردّك الشـوق لبـلادك

تعالي هنا مابين صـدري وبيـن ايـديْ
فدى غيبتـك شاعـر عيونـك وقصـادك

املي ان تنال ميسور رضاكم احبتي
عايد الشمري 11\6\1429هـ منتديات ـ لنجم واحبة نجم هذا الاهداء

تسلم يالغالي على هالنقل والذووووووق الرااائع

صراحه كلماااااات بالصميم

عساني مانحرم منك

كانت هنا مذهله فتقبل مرورها